NHM MizoramOFFICE OF THE PRINCIPAL DIRECTOR
HEALTH & FAMILY WELFARE DEPARTMENT
GOVERNMENT OF MIZORAM
‘The Mizoram Epidemic (COVID-19) Regulations, 2020’ siam a ni
COVID-19 laka Mizoram mipuite kan him theih nan leh kan hriselna vawnhim a nih theih nan The Epidemic Diseases Act 1897 behchhanin Mizoram sorkar chuan ‘The Mizoram Epidemic (COVID-19) Regulations, 2020’ a ti chhuak a. He Dan hian Mizoram pum a huap ang.
He Dan in a sawi tlangpui chu:
1.Hospital zawng zawng (sorkar leh private) te’n COVID-19 vei nia rinhlelh/in ringhlelte enna tur bik hmun (separate COVID-19 corner) an siam tur a ni a. An dinhmun a zirin ina inkhung (Home quarantine) tura thurawn emaw damdawi ina dah hran (Isolate) ngai te dahhrang turin emaw an ti thei ang. COVID-19 vei hmuhchhuah emaw rinhlelh reng reng emaw an nei a nih chuan Health Department ah an hriattir (notify) nghal tur a ni.
2.COVID-19 chungchanga Mizoram kaihhnawih/dinhmun reng reng thu dik lo leh belhchian dawl lo tuman an thehdarh tur a ni lo. Mizoram khaihhnawih/dinhmun dik tak chu Principal Director leh State Nodal Officer (IDSP) te’n official-a an puanzar chauh rin leh pawm tur a ni.
3.Private Laboratory te’n COVID-19 test an ti tur a ni lo. Sorkar chuan a tul dan ang zelin Sample Collection Centre a ruat ang.
4.COVID-19 hluarna ram/hmuna ni 28 kalta chhunga zinte tih tur: Ni 28 kalta chhunga COVID-19 awmna ram/hmun atanga lo lut te chu sorkarin Screening point a siamah te an in report ngei tur a ni. Sorkarin inkaihhruaina a siam ang zulzui zelin Home quarantine in emaw Designated Quarantine Facility ah emaw Isolation Facility ah dah an ni ang a; an zawm duh lo a nih chuan tihluihna hmangin thuneitute’n heng hmun ah te hian an dah lui thei ang. Quarantine hun chhung hian inkaihhruaina tha takin an zawm tur a ni a, insawiselna an neih chuan State Helpline ah an in report thuai tur a ni.
5.Ram dang emaw, state dang atanga lokal te reng reng chu sorkarin Screening Point a siamah sreening turin an in report ngei tur a ni.
6.Ramdang/hmundanga zin chhuak lem lo, insawiselna nei te chuan a rang thei ang berin State Helpline number engemaw ber - 102(Toll free), 0389-2318336/ 0389-2323336 ah hian an in report tur a ni.
7.He dan kengkawh tura thuneihna pek (Authorised Persons) te chuan a tul angin ramdang/hmundang COVID-19 report tawhna atanga lo kal te chu Home Quarantine emaw Designated Quarantine Centre ah an dah thei ang. Tin, heng mi te zinga symptoms nei bik te phei chu ‘Isolation Facility’ ah an admit nghal thei bawk ang. Tin, thupek zawm duh lo te chu dan zawm tura tihluih theihna power an nei bawk ang. COVID-19 vei ngei nia rinhleh an awmin mipui leh khawtlang an him zawkna tur nia ngaihah chuan an chenna ah kal chilhin, damlo endik theihna leh a tul dan a zirin damdawiin ah an admit thei bawk ang.
8.Chief Secretary/DC te thuneihna: Chhan tha tak a awm chuan DC te’n an district pum huapin emaw, an district chhunga hmun khawilai bik emaw-ah heng ‘containment measures’ te hi an ti thei ang – hmun khar (sealing), mi luh leh chhuah khap, school/office/institution/
Khing a chunga mite khi state pum huapa kalpui a ngai a nih chuan Chief Secretary in thuneihna a nei ang. DC te hian an district chhunga sorkar hnathawk te he natna dona kawngah a tul ang zelin mawhphurhna a pe thei ang, sorkar hnathawk lo te puihna pawh an ngen tel thei bawk ang.
9.District Disaster Management Committee te pawhin an mahni district ah theuh hmalak dan tur (strategy) an duang thei ang a, hei hi ti hlawhtling turin sorkar officer dangte pawh DC in a ruat thei ang.
10.Hremna: He dan hnuaia regulations hrang hrang te zawm lo emaw bawhchhia an awm a nih chuan Section 188 of Indian Penal Code (45 of 1860) hmanga hrem theih an ni.
He dan hi kumkhat chhung atana hman tur a ni.
SD/-
Principal Director
Health and Family Welfare Department
Government of Mizoram
Yours faithfully
COVID-19 IEC & Planning Team
HFW, MIzoram